Вәт, шәпләр!
(Якын киләчәктә.)
Урамда ике дус очрашты.
- Кайда барасың?
- Менә Зур театрга юл тоттым әле.
Беренче гаҗәпләнде:
- Син андротеатр яратмый идең бит әле! "Ул
андроидлар барыбер җүнле итеп уйнамыйлар!”,-ди идең бит?
- Мин әле дә шулай дип уйлыйм. Барыбер хисләре
белән, чын күңелдән уйнамыйлар алар. Шул, пластикалары гына, инде,
әзерәк артистлардан яхшырак инде.
- Син андроязучыларны да күрә алмыйсың бит әле!?
- Әйе, шул. Язган, сөйләгән әсәрләре барыбер
классикларга җитми... Ләкин, беләсеңме театрга нәрсәгә барам мин?
- Юк, шул, - дип аптырады беренче дус.
- Ә мин андрошагыйрьләрне тыңларга барам, вәт!
- Андроидлар шигырь дә яза башлаганнар мени?
- Әйе, шул! Менә шуларның икесе, иң талантлылары,
бүген Зур театрда чыгыш ясыйлар да инде – АндроПуш һәм АндроЕс атлылары!
Шигырьләре шундый күңелгә үтеп керә, диләр, хәтта, елаталар икән!
Беренче дус авыр сулап куйды:
- Эх, жәл, вакытым юк. Мин дә барыр идем!
- Ә син кайда ашыгасың соң?- дип сорап куйды дустым.
- Мин бит очрашуга ашыгам. Әле яңа гына фильмы
чыккан андроартист АндроКапур белән кинотеатрда очрашу була бит.
- Беләм, шәп уйный ул! Эх, мин дә барыр идем,
театрга билет алынган. Ярар пока!
- Пока!
...
Ике робот, тимерләре белән шалтыр-шолтыр килеп, ике якка аерылып китеп тә бардылар.
